२१ कात्तिक, गोरखा । माओवादी केन्द्रको समानुपातिक उम्मेदवारको बन्द सूचीमा परेकी सुशीला सिंखडा चढेको मोटरसाइकलबाट पेस्तोल बरामद भएको छ ।
प्रहरीले मंगलबार दिउँसो गोरखाको भीमसेन गाउँपालिका-३, धावामा उनी चढेको मोटरसाइकलबाट पेस्तोल बरामद गरेको हो ।
प्रहरीका अनुसार चेक जाँचका क्रममा मोटरसाइकल चालक झोला छोडेर भागेका थिए । उनको झोलाबाट पाकिस्तानी पेस्तोल र ३ राउण्ड गोली बरामद गरिएको छ ।
घटनाको विषयमा थप अनुसन्धान भइरहेको प्रहरीले जनाएको छ ।
