काठमाडौं । सहिद स्मारक : ए डिभिजन लिगको उपाधि होडमा रहेको त्रिभुवन आर्मी क्लबले अहिले नेपाल पुलिस क्लबको सामना गरिरहेको छ । दशरथ रंगशालामा हुने दिनको दोस्रो खेल दिउँसो ३ बजेबाट सुरु भएको हो । लिगको ६७ औं खेलमा पुलिस र आर्मी एक आपसमा भिड्न लागेका हुन् । एक प्रकारले विभागीय भिडन्त प्रतिष्ठाको लडाई पनि हो ।
एक खेल कम खेलको आर्मी २० अंक सहित दोस्रो स्थानमा छ । १० खेल खेलेको मछिन्द्रले आर्मीलाई आईतबार २ अंकले पछि पारेको हो । लिगको आफ्नो दशौं खेलमा पुलिसलाई हराउँदै आर्मी पुनः शीर्ष स्थानमा आफ्नो पकड बनाउन चाहन्छ । पुलिसविरुद्ध आर्मी सातौं जितको खोजीमा हुनेछ ।
तस्विर : मुकुन्द कालिकोटे, रिपोर्टर्स नेपाल डटकम
