काठमाडौं, १३ मंसिर । नेपाल कम्युनिस्ट पार्टीका अध्यक्ष केपी शर्मा ओलीले शर्तसहित तत्काल पार्टी अध्यक्ष त्याग्ने घोषणा गर्ने बताएका छन् । उनले त्यागको सिलसिला आजैबाट शुरु गर्न आफू तयार भएको भन्दै अध्यक्ष त्याग्ने शर्त समेत प्रस्तुत गरे ।
आज पार्टी सचिवालयमा आफूमाथि अर्का अध्यक्ष पुष्पकमल दाहालको आरोपसहितको दस्तावेजको जवाफमा उनले नेतृत्वमा रहेका सबैले पद त्याग गरेर नयाँ पुस्तालाई हस्तारण गर्ने प्रस्ताव गरे । ‘म आज खुल्ला आव्हान गर्न चाहन्छु त्यागको यो सिलसिला आजै सुरु गरौं बारम्बार सरकार र पार्टीको नेतृत्व गरेका कमरेडहरुले अब जिम्मेवारी नलिऔं र नयाँ पुस्तालाई हस्तान्तरण गर्ने घोषणा गरौं, ‘ओलीले भने, ‘म यही दस्तावेजलाई मेरो अध्यक्षको जिम्मेवारी हस्तान्तरणको औपचारिक लिखित बनाउन तयार छु के तपाईं तयार हो ?’
यस्तो छ ओलीको ३८ पृष्ठको प्रस्ताव (पूर्णपाठ)
प्रचण्डले आफू प्रधानमन्त्री बन्ने भन्दै मित्रराष्ट्रसंगको कतिपय विषय अल्झाएको ओलीको आरोप
ओलीलाई दाहाल-नेपालको आरोप: सच्चिनुको सट्टा पार्टी फुटाउने निर्णयका साथ आउनुभयो
ओलीले आगामी महाधिवेशनबाट अध्यक्षको जिम्मेवारीमा नरहने र आगामी निर्वाचन पश्चात् प्रधानमन्त्री नबन्ने समेत स्पष्ट पारे । उनले दस्तावेजमा भनेका छन्, ‘मैंले स्थायी कमिटीको बैठकमा औपचारिक रुपमै आगामी महाधिवेशनबाट अध्यक्षको जिम्मेवारीमा नरहने र आगामी निर्वाचन पश्चात् प्रधानमन्त्री नबन्ने जानकारी गराइसकेको छु । योभन्दा बढी मैंले के त्याग गर्नु पर्ने हो ?’ ओलीले त्याग नै गर्ने हो भने बारम्बार सरकार र पार्टीको नेतृत्व गरेकाहरुले जिम्मेवार नलिने र नयाँ पुस्तालाई हस्तान्तरणको प्रस्ताव समेत गरेका छन् ।
