एजेन्सी, १५ भदौ । चर्चित फरवार्ड क्रिस्टियानो रोनाल्डो र इंग्लिस क्लब म्यानचेस्टर युनाइटेडबीच सम्झौता भएको छ ।युनाइटेडले मंगलबार रोनाल्डोलाई २० मिलियन पाउन्डमा २ वर्षको लागी भित्राएको आधिकारिक जानकारी दिएको हो ।
रोनाल्डो १२ वर्षपछि ओल्ड ट्राफोर्ड फर्किएका हुन् । सन् २००३ मा पोर्चुगिच क्लब स्पोर्टिङ सिपीबाट युनाइटेड आएका रोनाल्डो सन् २००९ मा स्पेनिस क्लब रियल मड्रिड पुगेका थिए ।
सन् २०१८ मा रियलबाट इटालियन क्लब युभेन्टस पुगेका रोनाल्डो यही सिजन युनाइटेड फर्किएका हुन् ।-Photo: Agency
