कैलाली, १२ पुस । पछिल्लो समयमा अप्रत्यासित रुपले मानिसहरुको मृत्यु भइरहेको छ । आज बिहान मात्र भक्तपुरमा एक भारतीय मजदुरको शव फेला परेको थियो ।
कैलालीमा पनि दुईजनाको शव झुन्डिएको अवस्थामा फेला परेको छ । गौरीगंगा–३ शिविरकी किशोरी र सोही स्थानका किशोर छुट्टाछुट्टै स्थानमा मृत फेला परेको प्रहरीले जनाएको छ ।
प्रहरीको अनुसार आइतबार किशोरी आफ्नै घरमा झुन्डिएको अवस्थामा फेला परेको १५ मिनेटपछि २ सय मिटर टाढा रुखमा झुन्डिएको अवस्थामा किशोरको शव फेला परेको हो । दुईजनाको मृत्युको बारेमा थप अनुसन्धान भइरहेको प्रहरी कार्यालय कैलालीले जनाएको छ ।
