काठमाडौं, १४ फागुन । सहिद स्मारक ‘ए’ डिभिजन लिग फुटबलमा त्रिभुवन आर्मी क्लबले दोस्रो स्थान हासिल गरेको छ ।
आफ्नो अन्तिम खेलमा शनिबार मनाङ मर्स्याङ्दी क्लबसँग १–१ गोलको बराबरी खेल्दै आर्मीले दोस्रो स्थान बनाएको छ ।
त्रिपुरेश्वरस्थित दशरथ रंगशालामा भएको खेलमा ४५औं मिनेटमा कप्तान अन्जन विष्टले गोल गर्दै मनाङलाई सुरुवाति अग्रता दिलाएका थिए ।
तर, खेलको ७६औं मिनेटमा मनाङका डिफेन्डर फ्रान्कलिन कुएटाले आत्मघाती गोल गरेपछि आर्मीले १–१ गोलको बराबरी गरेको हो ।
यस बराबरीसँगै आर्मीले १३ खेलमा २३ अंक जोड्दै न्युरोड टिम एनआरटीसँग अंक बराबरी गर्दै हेड टु हेडमा अघि रह्यो । तस्विरः मुकुन्द कालीकोटे
