काठमाडौं, कात्तिक २६ । लोकतान्त्रिक–वाम गठबन्धनले आज चितवनमा चुनावी सभाको आयोजना गर्ने भएको छ । आजको सभालाई प्रधानमन्त्री शेरबहादुर देउवासहितका शीर्षनेताहरूले सम्बोधन गर्ने कार्यक्रम रहेको छ ।
कार्यक्रममा सहभागी हुन नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, नेकपा (एकीकृत समाजवादी) का अध्यक्ष माधवकुमार नेपाल, डा बाबुराम भट्टराई लगायतका नेताहरु आज चितवन जाँदैछन् ।
यस्तै नेकपा (एमाले)ले चितवनमा चुनावी सभा गर्दै छ । कात्तिक २८ गते गर्ने सभालाई एमाले अध्यक्ष केपी ओलीले सम्बोधन गर्नेछन् ।
