- सुमन तिमल्सेना
गणतन्त्र आयो , हाम्रो मनमा खुसी छाएन ।
बलिदान गर्ने वीरले नै न्याय पाएन ।
सधै तिम्रो भरिया भई लडेकै हुन् जनता,
दुःख गर्ने मजदुर साइला धनी कहिल्यै भएन ।
कागलार्इ बेल पाक्दा केको हर्ष हजुर,
दशै नङ्ग्रा खियाउँदा नि दुःख हाम्रो गएन ।
लुट्ने, ठग्नेहरुको सिसाको महल ठडिँदा,
न्याय पाउन लड्नेहरुको चुलो बलेन ।
असमानता,अराजकता बढेको छ दिनदिनै,
संसार बदल्न लड्नेको पेट भरिन पाएन ।
देश बेच्ने भ्रष्टाचारी, दलाल चाहिँ मन्त्री बने,
जुम्ला, हुम्ला, कालिकोटमा नुन आएन ।
