काठमाडौं, ११ साउन । अर्थमन्त्री डा. प्रकाशशरण महतले त्रिभुवन अन्तर्राष्ट्रिय विमानस्थलको भन्सारको स्थगलत अनुगमन गरेका छन् । सो क्रममा उनले विमानस्थलबाट हुने तस्करी वा अन्य अवान्छित गतिविधि नियन्त्रणको लागि सबै सरोकारवाला निकायको समन्वयात्मक भूमिका हुनुपर्नेमा जोड दिएका छन् ।
मन्त्री महतले विमानस्थलमा रहेका राजश्व अनुसन्धान विभाग, भन्सार विभाग, जनपद प्रहरी, सशस्त्र प्रहरी, नेपाली सेना र नागरिक उड्डयन प्राधिकरणबीच राम्रो समन्वय भए अपराध न्यीनकरण गर्न सहज हुने धारणा राखे ।
महतले एक क्विन्टल सुन तस्करी भएर विमानस्थलबाट बाहिरिएको विषयमा अनुसन्धान जारी रहेको बताए । यस प्रकरणमा एमालेले अर्थमन्त्री महत र गृहमन्त्री नारायणकाजी श्रेष्ठको राजीनामा मागेको छ । कांग्रेसकै सांसद सुनिल शर्माले पनि महतको राजीनामा मागेका छन् ।
तस्विर : मुकुन्द कालिकोटे, रिपोर्टर्स नेपाल डटकम
