कैलाली, साउन ३१ । कैलालीको गोदावरी नगरपालीका वडा नम्बर २ अत्तरियामा रहेको सत्यवती एकेडेमीमा आगलागी हुँदा ३५ लाख बराबरको क्षति भएको आकालन गरिएको छ ।
एकेडेमीको माथिल्लो तलामा रहेको कम्प्युटर ल्याबमा आज बिहान विद्युत सर्ट हुँदा आगलागी भएको हो ।आगलागी हुँदा २ वटा ऐसी, कम्प्युटरहरुमा पूर्णरुपमा क्षति भएको छ भने फर्निचर केही क्षति भएको संचालक विरबहादुर कडायतले बताए । गोदावरी नगरपालिकाको दमकल आएपनि स्थानीयहरुको सहभागितामा आगो नियन्त्रणमा आएको थियो ।
