काठमाडौं,२७ वैशाख । कोशी प्रदेशका ननियुक्त मुख्यमन्त्री हिक्मतकुमार कार्कीको शपथ आज साँझ ५ बजे हुने भएको छ ।
नेकपा एमाले प्रदेश संसदीय दलका नेता रहेका कार्की आज एमाले र माओवादीको समर्थनमा संविधानको धारा १६८ को उपधारा ५ अनुसार मुख्यमन्त्री नियुक्त भएका थिए ।
कार्कीले शपथ लिएसँगै आजै सानो आकारमा मन्त्रिपरिषद् गठन हुनेछ । आज एमालेबाट राम राना र माओवादीबाट दुर्गाप्रसाद चापागाईँ मन्त्री नियुक्त हुने सम्भावना छ ।
रानालाई अर्थ मन्त्रालय दिने कार्कीको तयारी छ । माओवादीलाई भौतिक प्रर्वाधार मन्त्रालय दिने सहमति भएको छ । चापागाईँ सँगै माओवादीबाट गणेश उप्रेतीले पनि मन्त्रीमका दोहोरिने इच्छा राखेका छन् । यद्यपि चापागाईँको सम्भावना बलियो रहेको माओवादी स्रोतले जनाएको छ ।
