युवराज दीपेन्द्र यसरी गाउँथे लोकगीत (भिडियोसहित)

दरबार हत्याकाण्डका मुख्य पात्र युवराज दीपेन्द्र शाह बहुप्रतिभाशाली थिए । उनी लोकगीत गाउन खप्पिस थिए । विभिन्न भाकामा गीत गाएर मज्जा लिन्थे । उनी लोक गायक गायिकाहरुसँग बसेरै गाउँथे र गाएको सुन्थे ।

जब दिपेन्द्र लोकगीत गाउन थाल्थे रोकिनै कठिन हुन्थ्यो । उनी भाका हाली हाली जोसका साथ गाउँथे ।

पढाईमा समेत अब्बल थिए । पीएचडी गर्ने धोकोका साथ भूगोल अध्ययन गरेका थिए । भूगोल कठिन विषय हो । उनी भूगोलमा एमए गरिसकेका थिए । त्रिभुवन विश्वविद्यालयबाट भूगोलका गोल्ड मेडलिष्ट पनि हुन् । दीपेन्द्र खेलकुदमा पनि अब्बल थिए । उनको मनपर्ने खेल बक्सिङ थियो । आफै बक्सिङ पनि खेल्थे ।
उनमा केही खराब लत पनि थियो । भनिन्छ उनी बेला बेलामा लागूपद्धार्थ सेवन गर्थे । विशेषगरी गाँजा र कहिलेकाहीं चरेश सेवन गर्थे । दरबार हत्याकाण्डमा पनि उनले कालो पद्धार्थ सेवन गरेको भनिएको छ । त्यो कालो पद्धार्थबारे स्पष्ट नभएपनि चरेशको शंका गरिएको छ ।
दरबार हत्याकाण्ड हुँदा उनी २९ वर्षका थिए । विवाहको विषय चलिरहेको थियो ।

राजदरबार हत्याकाण्ड छानविन आयोगकाअनुसार पारिवारिक भोजमा उनैले आफ्ना परिवारहरूको हत्या गरिदिएका हुन् । यो जुन १, २००१ को साँझको कुरा थियो । आयोगले दीपेन्द्रले आफ्ना पिता–माता, भाइ–बहिनीलगायतको हत्या गरी आफूले आफ्नै टाउकोमा गोली हानी आत्महत्या गरेको जनाएको थियो ।

सरकारी छानविन आयोगको भनाइअनुसार देवयानीसँग विवाह गर्ने दिपेन्द्रको चाहना विरूद्व उनकै आमा रानी ऐश्वर्य उभिएकी थिइन् । यसैकारण, दिपेन्द्रले नियमित शाहीभोजमा परिवारको हत्या गरिदिएका हुन् । उसबखत उनले धेरै मादकपदार्थ पिएका थिए । मृतकहरूमध्ये दिपेन्द्रका बुवा तत्कालीन राजा वीरेन्द्र, आमा, भाइ र बहिनी पनि थिए । भनिन्छ— त्यसपछि दिपेन्द्रले आफ्नै टाउकोमा पेस्तोल पड्काए । दिपेन्द्रले तीन दिनसम्म कोमामा मृत्युसँग सङ्घर्ष गरे । यसै बेला अस्पतालको शैयामै उनलाई राजा घोषित गरिएको थियो । उनको जुन ४ मा मृत्यु भयो । लगत्तै उनका काका युवराज ज्ञानेन्द्र राजा भए ।

हेर्नुहोस् भिडियोः