न्युयोर्क, बैशाख २५ । संसारमा अहिले कोरोना भाइरसका कारण लकडाउनमा रहेको छ । लकडाउनका कारण हजारौ मानिसको मृत्यु भइसकेको अमेरिकामा भने लकडाउनकै बिच एक पाँच बर्षीय नाबालकले एक्लै गाडी चलाएर क्यालिफोर्निया जाँदै गरेको भिडियो बाहिरिएको छ । युटाह् राज्यस्थित हाइवे प्रहरीका अनुसार ती पाँच बर्षीय नाबालकलाई एक्लै ३० माइल्स प्रति घण्टाको गतिमा हाइवेमा कार कुदाई रहेको भिडियोमा देख्न सकिन्छ ।
प्रहरीले ती बालकलाई गाडी चलाई रहँदा रोकेको समाचार सँस्था सिएनएनले सार्बजनिक गरेको भिडियोमा प्रहरीले नाबालकलाई कति बर्षको भयौ ? तिम्रो नाम के हो ? कहाँबाट गाडी चलाउन सिकेको भनेर सोधिएको सुनिन्छ ।
अझ रोचक कुरा त के छ भने ती नाबालकले आफुलाई लाम्बोर्गिनी गाडी किनेर चढ्न मन लागेको तर आमाले नमाने पछि आफुसँग भएको ३ डलर लिएर क्यालिफोर्नियामा ल्याम्बोर्गिनी गाडी किन्न हिंडेको प्रहरीलाई जवाफ दिएका छन । स्मरण रहोस उक्त गाडीको सुरुवाती मुल्य दुई लाख डलरबाट सुरु हुने गर्दछ ।
