मरेको मानिसको अन्तिम इच्छा पुरा गर्न परिवार हरदम लागि पर्छन् । आज हामी एक यस्ता व्यक्तिको बारेमा चर्चा गर्छौ, जसले आफु मरेपछि आफुलाई हुन्डईको सोनाटा कारभित्र गाडिदिन आग्रह गरे।
यो घटना चीनको बाओडिंग शहरको हो । यस व्यक्तिका परिवारको लागि यो मुस्किल परिस्थितीको कुरा हो । एक मिडिया रिर्पोटका अनुसार यी व्यक्तिको अन्तिम इच्छा कारभित्र राखेर आफुलाई गाड्नु रहेकोले घर परिवारले पनि त्यसै गरे । यो कुरा उनले लिखित रुपमा नै छाडेका थिए । उनको अन्तिम संस्कार गरेकोे भिडियो इन्टरनेटमा भाइरल भएको थियो ।
उनको यो भिडियोलाई १.६ मिलीयनले हेरीसकेका छन् । यसमा हुन्डई सोनाटा कार देखिएको छ, जसमा डोरीले बाधेर विस्तारै विस्तारै मशानघाटको खाल्डोमा हालिएको थियो । त्यसमाथि सिमेन्ट र कंक्रिटले सिल गरिएको थियो । उनको अन्तिम इच्छा पुरा गर्न परिवारले एक ठुलो गाडीको व्यवस्था गरेर कारभित्र उनको शव राखेर मशानघाट लगेका थिए । मसानघाटमा लगेर कारसहित गाड्नलाई गाह्रो भइरहेको थियो । यो घटनालाई छिमेकीले भिडियो बनाएर सामाजिक सञ्जालमा सेयर गरेका थिए । एजेन्सी
