चितवनबाट प्रचण्डले ओलीलाई भने : अलिकति पनि लाज र घिन छ भने तुरुन्तै राजीनामा दिनुहोस (भिडिओसहित)

काठमाडौं, ११ फागुन । नेपाल कम्युनिष्ट पार्टी (नेकपा) दाहाल–नेपाल समूहका अध्यक्ष पुष्पकमल दाहालले सर्वोच्च अदालतले संसद पूनःस्थापना गरेको भन्दै बधाई दिएका छन् । चितवनमा पत्रकारहरुसँग कुरा गर्दै उनले आफूहरुको लडाई कुर्सीको लागि नगरेको जिकिर गरेका छन् । उनले भने,‘केपी ओलीको भ्रम, गफबाट भ्रममुक्त हुन आग्रह गर्दछु । सेटिङ भयो भनेर केपीको पछि लाग्नुभएको तपाईहरु अब भुलभुलैयामा बस्नुपर्दैन् । संविधान र लोकतन्त्रको पक्षमा आउनुहोस् । मूल पार्टीमा आउनुहोस । हामी स्वागत गर्न तयार छौं ।’ अध्यक्ष दाहालले प्रधानमन्त्री केपी शर्मा ओलीलाई पदबाट राजीनामा दिन भनेका छन् । उनले भने,‘अलिकपति पनि लाज र घिन अनि नैतिकता छ भने तुरुन्तै राजीनामा दिनुहोस् ।’