नियमित पिउँछु भन्ने जवाफ आयो भने तुलनात्मक रूपमा तपाईंको बानी ठीक छ भन्ने एक सर्वेक्षणले देखाएको छ । मादक पदार्थ थोरै थोरै नियमित सेवन गर्नेभन्दा कहिले कहिले धेरै सेवन गर्नेलाई बढी असर गर्ने गरेको पाइएको छ । अनियमित सेवनबाट मुटुमा धेरै असर गरेर मुटुसम्बन्धी समस्याहरू बढी सृजना गर्दो रहेछ । अनियमितताले मुटुको धडकन बढ्ने, नाडीको रफ्तारलाई बढाउने वा अनियमित बनाउने, स्याँस्याँ हुने, धेरै थकाई लाग्ने, छाती दुख्ने र चक्कर लाग्नेजस्ता समस्या देखिने गरेको छ ।
युरोपेली हृदयरोग चिकित्सक समाजद्वारा प्रकाशित ‘इपी युरोपेस’ मा लेखक तथा कोरियाली विश्वविद्यालयका डा जोङ द्वितीय चोईका अनुसार मादक पदार्थको सेवनको मात्रा र नियमिततालाई केन्द्रित गरेर अध्ययन गरिएको थियो । मानिसलाई गर्ने क्षतिमा मादक पदार्थको कुल मात्रा वा मादक पदार्थ सेवनको कुल सङ्ख्यामध्ये कुन कुराले मुख्य भूमिका खेल्छ भन्ने दावीसाथ भन्न भने अझै नसकिने विश्लेषण पनि छ । सर्वेक्षणमा ९७ लाख ७६ हजार ९ सय ५६ जनालाई सहभागी थिए । एजेन्सी
Photo Source: THE list
