काठमाडौं, १९ जेठ । सर्वोच्च अदालतले क्वारेन्टाइनमा रहेका सबैलाई निशुल्क भोजनसहित विश्व स्वास्थ्य संगठनको मापदण्ड अनुसार बन्दोबस्द गर्न आदेश दिएको छ । उसले सबैलाई गुणस्तरय स्यानिटाइजर, मास्क तथा आवश्यक औषधीहरु समेत उपलब्ध गराउन आदेश दिएको छ ।
हिजो सर्वोच्चमा परेको रिटको सुनुवाइपछि न्यायाधीशद्वय प्रकाश राउत र कुमार रेग्मीको इजलाशले उक्त आदेश गरेको हो । क्वारेन्टाइनको अवस्था झन् खतरनाक भएको र कोरोना संक्रमण फैलिएको विषय बाहिर आइरहँदा सर्वोच्चको आदेश आएको हो ।
सर्वोच्चको आदेशमा चिकित्सा पेशासङ सम्बन्धित सबैलाइ पर्याप्त मात्रामा निशुल्क गुणस्तरिय पिपीइ लगायत आवश्यक उपकरणहरु निशुल्क उपलब्ध गराउनुका साथै क्वारनटाइनमा बसेका सबैको निशुल्क पिसिआर जाचका साथै सबै लाइ निशुल्क भोजन तथा डब्लुएचओ मापदण्ड बमोजिम क्वारन्टाइनको बन्दोबस्त गर्नु भन्ने आदेश भएको हो । रिटमाथि वरिष्ठ अधिवक्ता दिनेश त्रिपाठीलगायतले बहस गरेका थिए । त्रिपाठीले पछिल्लो समय नागरिकको नैसर्गिक अधिकारसम्बन्धी महत्वपूर्ण आदेशहरु भएका रिटमाथि बहस गर्दै आएका छन् ।
