एजेन्सी २६ असार : पाकिस्तानमा कोरोना संक्रमणका लागि अमेरिका जिम्मेवार रहेको आरोप लगाउँदै २० अर्ब डलरको भरपाई मुद्दा दायर गरिएको छ । लाहौर निवासी रजा अलीले बुधबार अधिवक्ता सैयद जिले हुसेनका माध्यमबाट मुद्दा दायर गरिएको हो ।
महामारीको पछाडी अमेरिका रहेको आरोप लगाउँदै न्यायधिस कामरान करामातले अमेरिकी दुतावास, अमेरिकी महावाणिज्य दुत, अमेरिकी रक्षा मन्त्री र विदेश मन्त्रालय नोटिस जारी गरि अगस्ट ७ सम्ममा जवाफ मागेका छन् । पाकिस्तानलाई महामारीका कारण भएको नोक्सानीमा अमेरिका जिम्मेवार रहेको कारण उक्त कदम चालिएको जनाइएको छ । अमेरिकी प्रशासन कोरोना भाइरसविरुद्ध विश्व अभियानमा बाधा उत्पन्न गराइरहेको आरोप समेत लगाइएको छ ।
