काठमाडौं, १७ मंसिर । इंग्लिस प्रिमियर लिग फुटबलमा म्यानचेस्टर युनाईटेडले आर्सनलमाथि जित निकालेको छ ।
बिहीबार राति भएको खेलमा युनाईटेडले आर्सनललाई ३–२ गोल अन्तरले पराजित गरेको हो ।
खेलको १३ औं मिनेटमा आर्सनलका इमिल स्मिथले गोल गर्दै सुरुआती अग्रता दिलाएका थिए ।
तर, खेलको ४४ औं मिनेटमा ब्रुनो फर्नान्डेसले गोल गर्दै युनाईटेडलाई १–१ गोलको बराबरीमा फर्काएका थिए ।
५२ औं मिनेटमा क्रिस्टियानो रोनाल्डोले गोल गर्दै युनाईटेडलाई २–१ को अग्रता दिलाएका थिए ।
यस गोलसँगै रोनाल्डोले करियरको ८०० गोल पूरा गरेका छन् । यस्तै, खेलको ५४ औं मिनेटमा आर्सनलका मार्टिन ओडेगार्डले गोल गरेपछि खेल २–२ बराबरीमा फर्किएको थियो ।
यस्तै, खेलको ७० औं मिनेटमा रोनाल्डोले पेनाल्टीमार्फत गोल गर्दै युनाईटेडलाई ३–२ को जित दिलाएका थिए ।
यस जितसँगै युनाईटेडले १४ खेलमा २१ अंक जोड्दै सातौं स्थानमा रहेको छ ।
साथै, आर्सनल २३ अंकका साथ पाँचौं स्थानमा रहेको छ ।
