काठमाडौं । स्पेनिस ला लिगा फुटबलमा बार्सिलोनाले भिल्ला रियललाई हराएको छ । शुक्रबार राति भएको खेलमा बार्सिलोनाले भिल्ला रियललाई ३–० ले हराएको हो ।
बार्सिलोनाको जितमा रोबर्ट लेवान्डोस्कीले दुई गोल गरे भने अन्सु फातीले एक गोल गरेका थिए । खेलको ३१ औं मिनेटमा लेवान्डोस्कीले गोल गर्दै बार्सिलोनालाई अग्रता दिलाएका थिए ।
३५ औं मिनेटमा लेवान्डोस्कीले व्यक्तिगत दोस्रो गोल गर्दै खेललाई २–० ले अघि बढाए । त्यसपछि ३८ औं मिनेटमा फातीले गोल गर्दै बार्सिलोनालाई ३–० को जित दिलाए ।
जितसँगै बार्सिलोनाले १० खेलमा २५ अंक जोडेर दोस्रो स्थानमा रहेको छ । भिल्ला रियल १५ अंकसहित नवौं स्थानमा छ ।