काठमाडौं, १६ बैशाख । राष्ट्रिय जनमोर्चाका अध्यक्ष चित्रबहादुर केसीले नेकपा (एमाले)का अध्यक्ष केपी शर्मा ओलीमाथिको आक्रमण सङ्घीयताको दुष्परीणाम भएको बताएका छन्।
शनिबार जनमोर्चाका अध्यक्ष केसीले एमाले अध्यक्ष ओलीमाथिको आक्रमण सङ्घीयताको दुष्परीणाम भएको बताएका हुन्।
अध्यक्ष केसीले विज्ञप्ति जारी गर्दै भनेका छन्, ‘हामीले भन्दै आइरहेका छौँ, सङ्घीयता—त्यसमा पनि जातीय सङ्घीयताले नेपालको राष्ट्रिय विखण्डन गर्ने छ। त्यसले देशको राष्ट्रियता, सार्वभौमिकता र भौगोलिक अखण्डतामाथि नै आँच पुर्याउने छ। अहिले एमाले अध्यक्ष ओलीमाथिको आक्रमण सङ्घीयताको त्यस्तै दुष्परीणाम हो।’
