काठमाडौं, ११ जेठ । काठमाडौं उपत्यकामा एक हप्ता निषेधाज्ञा लम्ब्याइएको छ । उपत्यकाका तीनवटै जिल्ला प्रशासन कार्यालयका प्रमुख जिल्ला अधिकारीहरुले २० जेठको मध्यारातिसम्मका लागि निषेधाशा लम्बाउने आदेश जारी गरेका हुन् ।
१३ जेठमा निषेधाज्ञा सकिन लागेपछि आज बैठक बसी लम्ब्याउने निर्णय भएको हो । यसपटक निषेधाज्ञा कडा बनाइएको छ ।
अत्यावश्यकबाहेक आवतजावत समेत बन्द गर्ने निर्णय भएको छ । मर्निङ वाक र इभिनिङ वाक बन्द गर्ने आदेशमा उल्लेख छ ।
भीडभाड हुने क्रियाकलाप गर्न पाइनेछैन । विवाह ब्रतबन्ध बढीमा ७ जनासम्म स्वास्थ्य मापदण्ड पालना गरी आफ्नो घर वा बसेको स्थानमा मात्र गर्न पाइनेछ ।
