सत्तारूढ नेपाल कम्युनिष्ट पार्टी (नेकपा) का स्थायी कमिटी सदस्य तथा उद्योग, वाणिज्य तथा आफूर्तिमन्त्री लेखराज भट्टले पार्टी अध्यक्ष पुष्पकमल दाहाल ‘प्रचण्ड’ लाई बोलीको ठेगान नभएको नेताको संज्ञा दिएका छन् । आज विहान नेपाली रेडियो नेटवर्कबाट प्रसारण भएको नेपाली बहस कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् । उनले भनेका छन्,‘अब छलफल गर्दै जाँदा कुनै निश्कर्ष निस्केन भने प्रधानमन्त्रीले ल त जे गर्ने हो गर्नुस भन्ने कुरा त भयो होला । तर पार्टी फुटाउने र पार्टीको बैठक नबोलाउने त हुँदैन र हुन सक्दैन । र अहिलेसम्म प्रचण्डले भनेका के आजसम्म सत्य भएको छ र भन्या ? प्रचण्डले जे÷जे बोल्नु भएको छ त्यो सबै सत्य छ र ? उहाँले भनेका सबै कुरा सत्य हुन सक्दैनन् । उहाँले कुन आवेसमा के बोल्नु हुन्छ भन्ने कुरा टँुडिखेलमा के बोल्नुभयो भन्ने कुरा थाहा छ तपाइँलाई ५ हजारको जिम्मा म लिन्छु अरुको जिम्मा अरुले लिनुपर्छ भन्ने कुरो पनि एउटा नेतृत्वले भन्ने कुरा नै होइन् । उहाँ त कतिखेर के बोल्नुुहुन्छ त्यो ठेगान हुँदैन् ।’ प्रस्तुत छ मन्त्री भट्टसँग पत्रकार धमलाले गरेको कुराकानीको सम्पादित अंश :
अब नेपाल कम्युनिस्ट पार्टी फुट्यो रे ! हिजो प्रधानमन्त्रीले घोषणा गर्नुभयो अरे ? प्रचण्डले यही भनेर हिजो खुमलटारमा सचिवालयका ६ जना नेताहरुसँग प्रधानमन्त्री ओलीले भनेको कुरा विफ्रिङ गर्नुभयो ?
-म पश्चिमतिर छु मैले तपाइँको न्युजबाट सुनेको हो । यर्थाथ कुरा के हो, मलाई त्यस्तो लाग्दैन् । पार्टी नै फुट्ने कुरो त कसैको हित हुँदैन । प्रधानमन्त्रीजीले पार्टी फुटाउनु पर्छ भन्नुभयो भन्ने मलाई लाग्दैन् ।
हैन प्रचण्डले भन्नुभयो हिजो, ६ जना सचिवालयको सदस्य राखेर आफुसहित प्रधानमन्त्रीले के भन्नु भयो रे भन्दा–अब तपाईहरु अलग–अलग जानुस्, सँगै बस्न सकिँदैन र म पार्टीको निर्णय मान्दिन भनेर । तपाईँ के भन्नुहुन्छ ?
-प्रधानमन्त्रीले पार्टी फुटाउनुपर्छ भनेजस्तो लाग्दैन मलाई ।
हैन प्रचण्डले विफ्रिङ गर्नुभयो हिजो खुमलटारमा ?
-प्रचण्डले के भन्नुभयो, प्रधानमन्त्रीले के भन्नुभयो त्यो त तपाइँ हामीसँग नभनि भन्यो भन्ने आधारमा त प्रचण्डले भन्यो भन्ने पनि लाग्दैन मलाई चाँही ।
हैन हिजो मलाई झलनाथ खनालले भन्नुभएको र नारायणकाजी श्रेष्ठले भन्नुभएको !
-अब उहाँहरुले के भन्नुभयो म त पश्चिममा छु । कसैसँग मेरो सम्र्पक भएको छैन् । म मन्त्रालयको काम र व्यक्तिगत काममा पनि लागेको छु । त्योभएर काठमाडौं आइसकेपछि मात्र बल्ल भेटघाट भएपछि यर्थाथ कुरो थाहा हुन्छ । त्यसपछि मैले प्रतिक्रिया दिने कुरो हुन्छ ।
हैन लेखराज भट्टजी, तपाईँ प्रधानमन्त्री केपी शर्मा ओलीजीको पक्षमा उभिनुभएको छ । तर प्रधानमन्त्रीले प्रष्ट रुपमा भन्नुभयो रे–प्रचण्डजी म पार्टीको निर्णय माँन्दिन, सचिवालउको निर्णय मान्दिन, केन्द्रिय समितीको निर्णय मान्दिन, स्थायी समितिको पनि निर्णय मान्दिन तपाइँहरु जे मन लाग्छ त्यही गर्नुस् भनेर ?
-मलाई त्यस्तो लाग्दैन प्रधानमन्त्री स्वयंम पार्टीको अध्यक्ष भएर प्रधानमन्त्रीले त्यस्तो अभिव्यक्ति दिनु भयो भन्ने लाग्दैन् । कुन सन्दर्भमा के कुरो भएको हो त्यसलाई टुइस्ट गरेको पनि हुनसक्छ । कुन सन्दर्भमा कुन नेताले कसरी व्यक्त गरे भन्नेमा उहाँहरुसँग भेटघाट नगरी भन्न सक्ने कुरा होइन् । मलाई जहाँसम्म लाग्छ कुनै पनि नेताले म पार्टीको निर्णय मान्दिन् । तपाइँ जे गर्नुहुन्छ गर्नुस् भन्छ भन्ने लाग्दैन् । स्वयंम आँफै अध्यक्षले पार्टीको नीति माँन्दिन भन्न त कहाँ सक्ला र ।
टेलिफोन सम्बादमा पनि प्रधानमन्त्रीले प्रष्ट रुपमा आइतबार प्रचण्डलाई भन्नुभयो रे, विभाजन गरेर जाने भए जानुस् ?
-अब त्यो त छलफल गर्दैगर्दा केही पनि सिप नलागेपछि के गर्ने त ल विभाजनमा नै जाने हो भने विभाजनमा जानोस भनेको होला । तैपनि मलाई त्यो भन्यो होला भन्ने पनि लाग्दैन फेरी ।
त्यसो भए अहिलेको अवस्थामा पार्टीलाई फुटबाट जोगाउन सकिन्छ ? लेखराज भट्टजी धेरै गाह्रो छ चुनौति छ नि ?
-अब त्यो चुनौतिलाई सामना गर्ने हो । जसरी हामीले पार्टीलाई एकता गर्यौ त्यो असम्भव थियो हिजो र अहिले पनि के हो भने पार्टी एकता बचाउनपर्छ । त्यो आम पाटी कार्यकर्ता र जनताको भावना पनि पार्टी फुट्नु हुन्न भन्ने नै छ । जुन आशा, भरोसा र अपेक्षा राखेर नेकपालाई नेपाली जनताले दुई तिहाइको नजिक पुर्याए त्यो कुरोलाई कुनै पनि नेताले भुल्नु हुन्न । र, पार्टी एकता जसरी पनि बचाउनुपर्छ भन्ने नै हो ।
आजको दिनमा पनि पार्टी बचाउन सक्नुहुन्छ ? किनभने प्रधानमन्त्रीले गरेको निर्णयमा प्रचण्डको असन्तुष्टि छ । मन्त्रीमण्डलको पूनर्गठनमा, कर्णाली प्रदेशको विवादमा, भारतीय गुप्तचर प्रमुखलाई प्रधानमन्त्री ओलीले बालुवाटारमा बोलाएर भेटेको कुरामा सुरु भए नि त विवाद धेरै विषयबस्तुहरु छन् ?
-कुन नेतालाई कुन नेताको निर्णय मन परेन ? भन्ने कुरो हिजो पनि हामीलाई कैयौं चीजहरु मन पर्दैनथे । एउटा विधि र पद्धती अरुलाई विधि÷पद्धतिको कुरा गर्ने आफुले नमान्ने नेतृत्व पद्धतिहरुको यो जुन व्यवहार छ यसलाई बदल्नुपर्छ नेतृत्वहरुले र अब मन पर्ने र नपर्ने त सबैकुरा कहाँ सबैलाई मन पर्छ र सबैलाई त्यहि भएर यो कुरो पार्टी भित्रनै छलफल गर्ने कुरा हुन् । मन नपरेपनि त्यसलाई मान्नुपर्ने हुन्छ र मन परेपनि मान्ने कुरा हुन्छ । हिजो पनि त्यही गर्दै आएका छौं । र, गरेका छौ ।
तपाइँहरुले गर्नुभएको छ । तर, प्रधानमन्त्रीले औपचारिक रूपमै प्रचण्डसामू पार्टी विभाजनको प्रस्ताव ल्याउनुभयो अरे नि ? यसले समस्या त देखियो नि ? के भन्नुहुन्छ ?
-मलाई लाग्दैन ल्याउनु भो भनेर । त्यसरी प्रधानमन्त्रीले आँफै भनेको त हामीले सुनेका छैनौं । प्रचण्ड र उहाँको कुन प्रसंगमा त्यो कुरा भएको हो त्यो कुरोलाई नबुझिकनै प्रधानमन्त्रीले पार्टी फुटाउने प्रस्ताव ल्याउनुभयो भन्ने कुरामा मलाई विश्वास छैन है ।
प्रधानमन्त्रीको बाहिर कुरा आएको छ, र प्रचण्डले पनि भन्नु भएको छ कि–सल्लाहकार समुहको सदस्यहरुले भेटेर प्रदीप नेपाललाई अध्यक्ष बनाउने प्रस्ताव गर्नुभयो रे, अब तपाई अघि बढ्नुहोस प्रदीप नेपालजी, नवगठित एमालेको म संरक्षक बन्छु भनेर प्रधानमन्त्रीले भन्नुभएको छ अरे ?
-फेरी पनि उहाँले भन्नुभयो होला भनेर लाग्दैन् ।
हिजो प्रचण्डले भन्नुभयो प्रधानमन्त्री पार्टी फुटाउने मानसिकतामा हुनुहुन्छ भनेर ? तपाईँलाई के लाग्छ ? प्रधानमन्त्रीले पार्टी फुटाउनुहोला ?
-फेरी उहाँतिर पनि जाला नी त, प्रचण्ड पनि पार्टी फुटाउने मानसिकतामा हुनुहुन्छ भन्ने कसैले विश्वास गर्ने कि नगर्ने, मलाई त लाग्दैन् ।
हिजो प्रधानमन्त्रीले त प्रतिक्रिया दिइसक्नुभएको छ, प्रचण्डजीले अब सँगै जान सकिदैन मसँग भन्नु भएको छ । उहाँ आफैले विभाजनको कुरा गर्ने बाहिर ओलीले पार्टी विभाजन ल्याउन खोज्यो, पार्टीमा फुट ल्याउन खोज्यो भन्दै हिड्नुभएको छ यो कार्यकारीको कुरा मैले बुझ्न सकिन भनेर प्रधानमन्त्रीको प्रतिक्रिया आयो, तपाईँले हेर्नुभएको छैन ?
-प्रचण्डजीले यसो भन्नु भाछ भन्ने कुरा प्रधानमन्त्रीले भन्या हो भने त केही अभिव्यक्तिमा कहीँ न कहीँ कन्फ्युजन छ । अब त्यो प्रचण्डले भनेको हो भने पनि गलत कुरा हो । सँगै बस्न सकिन्न भन्ने हो भने हिजो कसरी सँगै जानुभयो उहाँ ? त्यो प्रश्न पनि आउला । हिजो के÷के थियो सहमती प्रचण्ड र प्रधानमन्त्री ओलीजीको बीचमा ? के मिलेर एकता भयो अहिले कँहानिर के मिलेन र फुट्नुपर्यो ? यो त आम नेपाली जनता र कार्यकर्तालाई जवाफ दिनुपर्ला नि त दुईवटैले ।
प्रचण्डले भन्नुभएको छ नि त–‘अब प्रधानमन्त्री ओलीसँग सँगै मिलेर जान सकिँदैन, ओलीको प्रतिक्रिया आयो ?
-उहाँले हिजो ओलीलाई चिन्नु भएको थियो कि थिएन ? नचिनिकनै किन एकता गर्नुभयो त्यो प्रश्न त आउला नि त । अहिले कहाँनिर मिलेन उहाँहरुको विचारमा ? नमिलेको हो की भागवण्डामा मिलेन की त्यो कुरा त प्रस्ट गर्नुपर्ला नि त ।
नेताहरुको भागवण्डामा छ नि तपाइँलाई थाहा छ नि, मन्त्रिमण्डल पूनर्गठनमा पनि भागबण्डाको विवाद पर्याछ धेरैलाई बनाउनु परेको छ ?
भागवण्डाकै निम्ति पार्टी नै फुटाउनुपर्छ भन्ने पक्षमा त कोही पनि हुँदैन, नेताहरुलाई के पुगेन कार्यकता जनता त्यो पक्षमा छैन । अझ कार्यकर्ताको मनोविज्ञान हेर्ने हो भने म पनि एक हप्ता भन्दा बढी भयो पश्चिममा छु । मैले थुप्रै कार्यकतासँग भेटघाट गरिरहेको छु, कोही पनि पार्टी फुटको पक्षमा छैैनन् । नेताहरुले अरुलाई विधि÷पद्धती भन्ने विधि/पद्धती आचरणमा बस्नपर्छ भन्ने अभिव्यक्ति दिँदा अलि व्यवस्थित ढंगले पार्टी र जनताको हितमा दिनुपर्छ । त्यो भएन भने अब यी नेताको पक्षमा लाग्न सकिन्न भन्ने एक खालको मनोविज्ञान बनिरहेको छ । यो कुरा गम्भीरतापुर्वक नेतृत्वले बुझ्न जरुरी छ भन्छु मैले ।
तपाइँले राम्रोसँग हेर्नुभाछ, प्रचण्डलाई पनि चिन्नुभाछ र प्रचण्डको बयान सुनेका एक जना नेताले मलाई हिजो जानकारी दिनुभएको छ, सचिवालयका सदस्यले प्रधानमन्त्रीजीले म बैठक पनि डाक्दिन्, निर्णय पनि गर्दिन । अरु पार्टी फुटाउनको लागि लागेका छन् । बरु पार्टी फुटाउन भनेर भन्नु भएछ ?
-अब छलफल गर्दै जाँदा कुनै निश्कर्ष निस्केन भने प्रधानमन्त्रीले ल त जे गर्ने हो गर्नुस भन्ने कुरा त भयो होला । तर पार्टी फुटाउने र पार्टीको बैठक नबोलाउने त हुँदैन र हुन सक्दैन । र अहिलेसम्म प्रचण्डले भनेका के आजसम्म सत्य भएको छ र भन्या ? प्रचण्डले जे÷जे बोल्नु भएको छ त्यो सबै सत्य छ र ? उहाँले भनेका सबै कुरा सत्य हुन सक्दैनन् । उहाँले कुन आवेसमा के बोल्नु हुन्छ भन्ने कुरा टँुडिखेलमा के बोल्नुभयो भन्ने कुरा थाहा छ तपाइँलाई ५ हजारको जिम्मा म लिन्छु अरुको जिम्मा अरुले लिनुपर्छ भन्ने कुरो पनि एउटा नेतृत्वले भन्ने कुरा नै होइन् । उहाँ त कतिखेर के बोल्नुुहुन्छ त्यो ठेगान हुँदैन ।
होईन, तपाईको पार्टीका महासचिव विष्णु पौडेलले भन्नुभयो नि त पार्टी एकता संकटमा पर्यो भनेर ? यसले पनि पार्टी फूटको संघारमा छ भन्ने त देखाउँछ नि ?
-नेताहरुको दोहोरी चलेपछि उहाँले एकता संकटमा पर्यो भनेर भन्नु स्वभाविक हो । एकता संकटमा परेपछि संकटमुक्त गर्नुपर्छ । हामीले जो छौँ हामी अलि बुद्धि र विवेक पुर्याएर एकताको पक्षमा दह्रोसँग उभिने हो भने हाम्रै बलमा यी नेता टिकेका हुन् । जब हामीले साथ नदिएपछि नेताले मात्र पार्टी फुटाएर के हुन्छ, फुट्दैन नी । हामी पनि नेताको एउटाको पक्ष र अर्कोको पक्ष पर्ने हो भने पाटी फुट्ने हो । दुईटैको गलत चीजलाई गलत हो भन्न सक्नुपरो ति न हामीले पनि ।
