काठमाडौं, २२ साउन । नेपालमा ५० हजार युनिटभन्दा बढी टिभिएसको एनटर्क १२५ स्कुटर बिक्री भएको छ । कम्पनीले ३ वर्ष भित्रमा उक्त ५० हजार युनिट बिक्रि भएको एक विज्ञप्ती जारी गर्दै जानकारी दिएको हो ।
टिभिएस एनटर्क १२५ पहिलो पटक सन् २०१८ मा भारतमा सार्वजनिक भएको हो। कम्पनीको अनुसार ब्लुटुथ कनेक्ट गर्ने मिल्ने फिचर र स्पोर्टी स्कुटर भएकोले यो स्कुटर युवा पुस्तामाझ निकै लोकप्रिय रहेको छ ।
हाल नेपाली बजारमा टिभिएसको एनटर्क ५ भेरिएन्टमा उपलब्ध छ । यस स्कुटरमा बिएस ६–कम्प्लायन्ट, १२४.८ सिसी सिंगल–सिलिन्डर इन्जिन प्रयोग भएको छ जसले ७ हजार आरपिएममा ९.१ पिएस पावर र ५ हजार ५ सय आरपिएममा १०.५ एनएमको टर्क जेनेरेट गर्छ । यसमा फ्युल इन्जेक्सन प्रविधि प्रयोग भएको जनाइएको छ ।
त्यस्तै यस स्कुटरमा डिजिटल स्पिडोमिटर, न्याभिगेसन असिस्ट, टप स्पिड रेकर्डर, इन–बिल्ट ल्याप–टाइमर, फोन–ब्याट्री, अन्तिम समय पार्क गरेको ठाउँ, सर्भिस रिमाइन्डर, ट्रिप मिटर लगायतको फिचरहरू रहेको कम्पनीले दाबी गर्दै आएको छ।
