काठमाडौं,१९ वैशाख । टी-२० सिरिजअन्तर्गत वेस्टइन्डिजले नेपाललाई २२८ रनको विशाल लक्ष्य दिएको छ ।
कीर्तिपूरस्थित त्रिवि मैदानमा टस जितेर पहिले ब्याटिङमा उत्रिएको वेस्ट इन्डिजले निर्धारित २० ओभरमा ३ विकेट गुमाएर २२७ रन जोड्यो । उसका लागि जोनसन चार्ल्सले अविजित रहँदै शतकीय पारी खेले ६१ बलमा १३ चौका र ७ छक्का हिर्काएका उनले ११९ रन बनाए ।
त्यस्तै, आन्द्रे फ्लेचरले पनि अर्धशतक बनाए । उनले ३३ बलमा ५३ रन हिर्काए । यस क्रममा उनले ४ चौका र ३ छक्का हिर्काए । फाबियन एलनले ९ बलमा १९ रन तथा एलिक अथान्जेले १० बलमा १७ रनको योगदान दिए ।
नेपालका लागि सागर ढकाल र करण केसीले समान एक विकेट लिए। करणले आफ्नो स्पेलमा ५४ रन खर्चेर १ विकेट लिए। कमलले आफ्नो स्पेलमा ५३ रन खर्चदा विकेट विहिन रहे।
