ढाका [बंगलादेश], १३ पुस: बङ्गलादेश प्रहरीले हबिगञ्ज जिल्लाको सातछारी राष्ट्रिय निकुञ्जबाट ठूलो मात्रामा सैन्य-ग्रेड विष्फोटक र गोला बारुद बरामद गरेको छ । ढाका ट्रिब्यूनको रिपोर्ट अनुसार प्रहरीको काउन्टर-टेररिज्म एन्ड ट्रान्सनेशनल क्राइम (CTTC) इकाईले उक्त विष्फोटक पदार्थ बरामद गरेको हो।
विशेष अभियानको क्रममा लगभग १५ रकेट-प्रोपेल्ड ग्रेनेड (आरपीजी), मेसिन गनका ५१० राउण्ड गोलाबारुद र २५ वटा बुस्टरहरू (आरपीजी लन्चरहरूमा प्रोपेलिंग चार्जको रूपमा प्रयोग हुने) फेला परेका थिए। त्रिपुरासँगको सिमानाबाट करिब ३–४ किलोमिटर टाढा रहेको ठाउँमा गोलाबारुद फेला परेको हो ।
ढाकाको जात्राबारी इलाकाबाट प्रहरीले आइतबार राति एक युवकलाई भरुवा बन्दुकसहित पक्राउ गरेको छ। उक्त व्यक्ति खागराछरीको पाँचछरी इलाकाका अबेल त्रिपुरा अमित रहेका छन् । उनको बयानका आधारमा हामीले सातछरीमा ड्राइभ सञ्चालन गर्ने निर्णय गरेको इकाईका प्रमुख प्रहरी नायब महानिरीक्षक (डीआईजी) मोहम्मद असदुज्जमानले बताएका छन्।-Photo: Agency
