काठमाडौं, ५ असोज । सत्तारुढ पाँचदलिय गठबन्धनले राष्ट्रपति विद्यादेवि भण्डारीले नागरिकता विधेयक प्रमाणीकरण नगरेर संविधान उल्लघंन गरेको निष्कर्ष निकालेको छ ।
आज बालुवाटारमा बसेको गठबन्धनको बैठकले संघीय संसदले पास गरेर पठाएको विधेयक प्रमाणीकरण नगर्नु असंवैधानिक भएको ठहर गरेको हो ।
संघीय संसदले दोस्रो पटक पठाएको नागरिकता विधेयक राष्ट्रपति विधादेवी भण्डारीले प्रमाणीकरण गर्न अस्वीकार गरेकी छन्।
पत्रकारसँग कुराकानी गर्दै कांग्रेस नेता रामहरी खतिवडाले राष्ट्रपतिले आफूसँग नभएको अधिकार प्रयोग गरेको टिप्पणी गरे । यसको असर भोलि के पर्छ भन्ने कुरा राष्ट्रपतिले बुझ्न पर्ने उनको भनाइ थियो ।
