एजेन्सी, ३० कात्तिक । बलिउड अभिनेत्री बिपाशा बसु र करण सिंह ग्रोवर शनिबार नोभेम्बर १२ मा अभिभावक बनेका छन् । बिपाशाले छोरीलाई जन्म दिइन् ।
दुवै छोरीलाई लिएर अस्पतालबाट घर फर्किएको भिडियो सार्वजनिक भएको छ । यस भिडियोमा, नयाँ आमा र बुबा आफ्नो बच्चा छोरीसँग पोज दिइरहेका छन्। ब्ल्याक लुकमा करण सिंह ग्रोवर निकै उत्साहित देखिन्छन् ।
यसै क्रममा बिपाशाले आफ्नी छोरीलाई कालो र सेतो ड्रेसमा काखमा बोकेकी देखिएकी छिन् । यो भिडियो सार्वजनिक हुनेबित्तिकै फ्यानहरूले जोडीलाई बधाई दिएका छन् । यससँगै दम्पतीले छोरीको नाम देवी बासु सिंह ग्रोवर राखेका छन् ।
