काठमाडौं,१८ भदौ । चलचित्र निर्देशक चन्द्र पन्तले एसिया कप क्रिकेट–२०२३ अन्तर्गत आज नेपाल र भारतबीच हुने खेलमा छ्क्का हान्ने र विकेट लिने खेलाडीलाई पुरस्कार दिने घोषणा गरेका छन् ।
निर्देशन पन्तले छक्का हान्ने र विकेट लिने नेपाली खेलाडीलाई प्रतिविकेट र प्रतिछक्का ५० हजारका दरले पुरस्कार दिने घोषणा गरेका हुन् । आजको खेलमा नेपाल विजय भए पाँच लाख रुपैयाँ दिने पनि उनले घोषणा गरेका छन् । पन्त चलचित्र कृ का निर्देशक हुन् उनले कृ का अलवा अन्य नेपाली चलचित्रहरु निर्देशन गरिसकेका छन् ।
निर्देशक पन्तले इन्स्पायर नोबेल नेपाल फाउन्डेसन आईएनई, एनवाई यूएसएका तर्फबाट उक्त पुरस्कारको घोषणा गरिएको बताएका छन् । पन्त यो संस्थाको अध्यक्ष हुन् ।
नेपाली राष्ट्रिय क्रिकेट टिमले आज (सोमबार) एसिया कप–२०२३ को आफ्नो दोस्रो खेलमा भारतविरुद्ध खेल्दै छ ।
श्रीलंकाको क्यान्डीस्थित पालेकेले अन्तर्राष्ट्रिय रंगशालामा खेल नेपाली समयानुसार दिउँसो ३ः१५ बजे सुरु हुनेछ ।
