भारतीय प्रधानमन्त्री नरेन्द्र मोदी जन्मदिन मनाउन गुजरात पुगेका छन् । उनले गुजरातमा बनाइएको सरदार बल्लभ भाई पटेलको विशाल शालिकलाई फन्को मारेका छन् ।
विमानबाट पटेलको शालिकलाई फन्को मारेको दृश्य ट्वीटरमा समेत राखेका छन् । एकताको शालिक नाम दिइएको केभाडीयास्थित शालिक विश्वकै अग्लो शालिक हो । मोदी गुजरातको मुख्यमन्त्री हुँदा यसको निर्माण गर्न लगाएका थिए । पटेलको शालिक निर्माण गर्न किसानहरुबाट फलामको औजार संकलन गरिएको थियो ।
भारत स्वतन्त्र भएपछि गृहमन्त्री बनेका पटेलले भारतभित्रका कतिपय साना राज्यहरुलाई समाहित गर्न भूमिका खेलेका थिए । मोदीले उनलाई आदर्श मानेका छन् ।
तस्बिर र भिडियोः मोदीको ट्वीटर पेज
