काठमाडौं, २४ असोज । काठमाडौं उपत्यकामा आज एकै दिन २६ सय ७२ जना कोरोना संक्रमित थपिएका छन् । देशभर ५ हजार ८ जनामा कोरोना पुष्टि भएकोमा काठमाडौमा मात्रै २६ सय ७२ जना थपिएसँगै जोखिम बढेको छ । स्वास्थ्य मन्त्रालयको नियमित पत्रकार सम्मेलनमा प्रवक्ता डा.जागेश्वर गौतमले १९ हजार ३ सय २० जनाको पिसीआर परिक्षणमा ५ हजार ८ जनाको रिर्पोट पोजेटिभ आएको जानकारी दिएका हुन् ।
त्यसैगरी आज २४ घन्टामा १२२९ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या ७४ हजार २ सय ५२ रहेको छ । काठमाडौं उपत्यकामा थपिएका मध्ये काठमाडौंका २१ सय र ललितपुरका ३ सय ६९ जना र भक्तपुरका २ सय ३ जना रहेका छन् । देशभर कुल संक्रमितको सख्या १ लाख ५ हजार ६ सय ८४ पुगेको छ ।
